Bjarni Helgason skrifar frá Ermelo:

„Það var mjög mikið í gangi þegar að ég kem inná og mikill hraði í leiknum þannig að það var aðeins erfitt að koma inná,“ sagði Katrín Ásbjörnsdóttir, leikmaður íslenska liðsins á æfingu í morgun.

Ísland tapaði 1-0 fyrir Frökkum í fyrsta leik sínum á EM í gærdag en það var Eugénie Le Sommer sem skoraði eina mark leiksins úr víti en dómurinn þótti afar harður.

„Við hefðum mátt halda boltanum aðeins betur uppi og færa liðið ofar, sérstaklega síðustu tíu mínútnar en við vorum orðanar aðeins þreyttar, sérstaklega þær sem við voru búnar að spila 90 mínútur þannig að við hefðum kannski mátt nýta þessi tækifæri sem við fengum betur því við fengum fína sénsa.“

„Þær voru smá að kvarta yfir okkur að við værum fastar fyrir en þetta er bara okkar leikur og við viljum spila svona. Við vissum alveg að þær myndi kvarta þannig að við vorum ekkert mikið að pirra okkur á því.“

Viðtalið í heild sinni má sjá hér fyrir ofan og neðan.