Alexis Sanchez er að ganga til liðs við Manchester United og mun hann gangast undir læknisskoðun hjá félaginu, síðar í dag.
Félagaskiptin hafa legið lengi í loftinu en hann fer til United í skiptum fyrir Henrikh Mkhitaryan sem er að ganga til liðs við Arsenal.
Sanchez verður þar með ellefti leikmaðurinn sem spilar fyrir bæði Pep Guardiola og Jose Mourinho en hann og Guardiola unnu saman hjá Barcelona.
Guardiola reyndi að fá Sanchez til City en var ekki tilbúinn að borga Arsenal uppsett verð fyrir leikmanninn sem var í kringum 35 milljónir punda.
Hann er því á leiðinni á Old Trafford en hann hefur ekki unnið með Jose Mourinho áður á ferlinum en lista yfir þá leikmenn sem hafa unnið með báðum stjórum má sjá hér fyrir neðan.
Xabi Alonso
Zlatan Ibrahimovic
Cesc Fabregas
Kevin de Bruyne
Arjen Robben
Pedro
Samuel Eto’s
Eidur Gudjohnsen
Maxwell
Claudio Pizarro
