Arsene Wenger, stjóri Arsenal útskýrði það á dögunum af hverju hann tekur Alexandre Lacazette alltaf af velli.

Margir stuðningsmenn Arsenal eru pirraðir á Wenger þessa dagana en liðið hefur ekki staðið undir væntingum á þessari leiktíð og er í sjötta sæti deildarinnar.

Wenger hefur verið duglegur að kippa Lacazette af velli og fer það í taugarnar á mörgum stuðningsmönnum liðsins.

„Lacazette spilar í stöðu framarlega á vellinum og það er auðveldara að skipta honum af velli en til dæmis varnarmönnum liðsins,“ sagði Wenger.

„Þú tekur framherjann þinn af velli því þeir þurfa alltaf að vera á tánum og með næga orku til þess að taka þau hlaup sem þeir þurfa að taka.“

„Í öðru lagi þá var hann ennþá að aðlagast leikstíl okkar og hann var stundum í vandræðum undir lok leikja. Hann var ekki að spila illa en hann var kannski ekki eins beittur og hann var í upphafi leikja,“ sagði Wenger að lokum.