Stefán Almarsson og Þórður Jóhann Eyþórsson voru handteknir og færðir til yfirheyrslu vegna rannsókn setts saksóknara á morði Guðmundar Einarssonar sem hvarf sporlaust árið 1974. Stefán og Þórður hafa báðir komið við sögu lögreglu áður. Þórður hefur tvö mannslíf á samviskunni og hefur tjáð sig áður opinberlega um fortíð sína. Stefán og Þórður eru æskufélagar. Þórður var 17 ára þegar Guðmundur hvarf en hann tjáir sig við Fréttatímann um málið.

„Þetta var bara eitthvert ljúgvitni,“ segir Þórður og bætir við: „Ég var spurður hvort ég hefði verið farþegi í bjöllu árið 1974 á Hamarsbrautinni. Stefán átti að vera keyra bílinn. Hann á að hafa misst stjórn, keyrt á eitthvað skilti og svo á Guðmund. Þetta er nú bara einhver lygasaga og ef ég hefði verið höfundur hennar, þá hefði ég nú látið okkur rúnta um á flottari bíl.“

Mynd: DV ehf / Sigtryggur Ari

DV hefur fjallað ítarlega um málið líkt og flestir miðlar. Erla Bolladóttir tjáði sig við DV. Sagðist hún hafa hitt Stefán skömmu eftir að Sævar Ciesielski lést árið 2011. Erla fór til fundar við Stefán. Frásögn Stefáns var að hennar sögn sama frásögn og Erlu var gert að undirrita eftir langar og strangar yfirheyrslur hjá lögreglunni. Sagði Erla að hana væri farið að gruna Stefán um að tengjast andláti Guðmundar.

„Ég sagði við dóttur mína að mér liði eins og einhver hefði hent mér inn í þvottavél og kveikt á. En þetta segir mér að lögreglan er viljug að komast að hinu sanna. Fólk er að horfa í rétta átt og vill vinna þetta vel. Það er það sem við erum öll búin að þrá.“

Úr viðtali við Þórð frá árinu 1994

Stefán og Þórður harðneituðu allri aðkomu að málinu hjá lögreglu og var sleppt að loknum yfirheyrslum.

Náð tökum á lífi sínu

Þórður kveðst hafa náð tökum á sínu lífi árið 2006. Segist hann upplifa handtökuna í tengslum við hvarf Guðmundar sem aðför að sér. Segir Þórður að hann hafi verið að vinna á Eskifirði þegar Guðmundur hvarf.

„Ég lét nú bara dóttur mína fletta því upp á skattkortinu mínu hvar ég var. Þá kom í ljós að ég var að vinna á Eskifirði á þessum tíma. Þetta er bara tilbúningur frá A til Ö.“

Þórður segir yfirheyrsluna hafa tekið hálftíma. Telur Þórður að einhver óvinhallur vilji koma á hann höggi. Hann sé reglumaður í dag og í vinnu.

„Ég á nú ekki bara eintóma vini. Ég held að það sé bara verið að reyna stúta framtíð minni.“

Hér má lesa viðtalið í heild sinni.