Sara Björk Gunnarsdóttir, fyrrum landsliðsfyrirliði og goðsögn í íslenskri knattspyrnu, hefur verið kynnt til leiks hjá Haukum.
Tíðindin hafa legið í loftinu og Haukar boðað til kynningar- og blaðamannafundar síðar í dag vegna komu Söru Bjarkar.
Sara Björk er uppalin í Haukum en hefur spilað með liðum eins og Lyon, hvar hún varð Evrópumeistari, Juventus og Wolfsburg, en síðast lék hún í Sádi-Arabíu.
Þá var Sara Björk lengi vel leikjahæsta landsliðskona Íslands, þar til Glódís Perla Viggósdóttir sló metið á þessu ári.
Haukar eru á toppi Lengjudeildarinnar og ætlar sér án efa upp í Bestu deildina, sér í lagi með komu Söru Bjarkar til liðsins.
