Hundar og eigendur þeirra líkjast ekki í útliti, eða hvað?, en þegar kemur að atferli og persónuleika þá líkjast þeir eiganda sínum ansi mikið og miklu meira en eigandinn reiknar með.

Nýjar rannsóknir hafa sýnt fram á að þessi fjórfættu vinir okkar læra ekki aðeins venjur okkar, heldur einnig nauðsynlega hluta af persónuleika okkar.

Miðað við niðurstöður yfirferðar á 15 rannsóknum þá er samhengi á milli útlits hunda og eigenda þeirra. Þegar fólk var beðið um að para saman myndir af hundum og eigendum þeirra, þá tókst þeim það oftar en svo að það gæti verið tilviljun ein. Benti fólkið á að um sömu líkamsbyggingu væri að ræða, sama hárlengd, sama lag á eyrum og svo framvegis. Líkindin þóttu mest þegar konur voru eigendur hundanna.

En líkindin ná lengra en þetta. Vísindamenn hafa komist að því að ákveðin persónuleikaeinkenni eiga oft við hjá bæði hundinum og eiganda hans. Úthverfa, kvíði, tilfinningasemi: Rannsóknir hafa sýnt sterk tengsl, sérstaklega hvað varðar úthverfu (hæfileikinn til að tjá sig við aðra), og taugaveiklun (næmni fyrir stressi og dapurleika). Með öðrum orðum þá mun kvíðinn hundaeigandi hafa tilhneigingu til að eiga hund sem sýnir oft merki um áhyggjur eða mikla tilfinninganæmi.