Manchester City vill tryggja framtíð varnarmannsins Josko Gvardiol hjá sér eftir að bæði Real Madrid og Bayern Munchen settu sig í samband við umboðsmann hans. Teamtalk heldur þessu fram.
Gvardiol hefur verið meiddur frá því í byrjun árs en er í miklum metum hjá City, sem vill alls ekki missa hann. Króatinn er fjölhæfur og getur leyst stöðu vinstri bakvarðar og miðvarðar vel.
Samningur hins 24 ára gamla Gvardiol í Manchester rennur út eftir tvö ár og vill City framlengja við hann í ljósi áhuga Real og Bayern. Yrði þá væn launahækkun í boði einnig.
Gvardiol kom til City frá RB Leipzig árið 2023 og þekkir þýska boltann því vel, sem gæti hjálpað mikið ef hann heldur til Bayern.
