Bournemouth hefur sent frá sér yfirlýsingu varðandi Alex Jimenez eftir að efni tengt leikmanninum fór í dreifingu á samfélagsmiðlum.

Þar virðist Jimenez eiga í samskiptum við 15 ára stelpu og segist ekkert vera á móti því að hitta hana og að hann hafi aldrei verið með stelpu á þeim aldri. Jimenez er 21 árs gamall.

Í tilkynningu félagsins segir að það sé meðvitað um færslurnar sem hafa verið í umferð og taki málið mjög alvarlega. Rannsókn sé nú hafin til að fara yfir málið og afla frekari upplýsinga.

Í kjölfarið hefur verið ákveðið að Jimenez verði ekki í leikmannahópi Bournemouth fyrir næsta leik liðsins í ensku úrvalsdeildinni gegn Fulham.

Félagið gaf jafnframt skýrt til kynna að ekki yrði tjáð sig frekar um málið á meðan rannsókn stendur yfir.

Málið hefur vakið athygli meðal stuðningsmanna, en óljóst er á þessu stigi hvaða afleiðingar það gæti haft fyrir leikmanninn til lengri tíma.

Bournemouth leggur áherslu á að fylgja ferlinu til enda áður en frekari ákvarðanir verða teknar.