

Leikmenn Real Madrid drulluðu yfir dómarann eftir að liðið féll úr leik í Meistaradeildinni í kvöld. Arda Guler fékk rautt spjald.
Leikmenn Real voru brjálaðir yfir rauðu spjaldi sem Eduardo Camavinga fékk seint í leiknum þegar allt stefndi í framlengingu.
🚨🛑 Real Madrid players, furious with the referee — and red card for Arda Güler.@lejournaldureal 🎥 pic.twitter.com/TEuj9HDynZ
— Fabrizio Romano (@FabrizioRomano) April 15, 2026
Bayern Munich tryggði sér sæti í undanúrslitum Meistaradeildarinnar eftir dramatískan 4-3 sigur gegn Real Madrid, þar sem samanlagt 6-4 sigur dugði Þjóðverjunum.
Leikurinn byrjaði með látum þegar Arda Güler skoraði strax á fyrstu mínútu og bætti síðar við öðru marki. Harry Kane og Aleksandar Pavlović skoruðu fyrir Bayern en Kylian Mbappé kom Real aftur yfir fyrir hlé.
Í seinni hálfleik var spennan gríðarleg og þegar Eduardo Camavinga fékk rautt spjald undir lokin nýtti Bayern sér liðsmuninn. Luis Díaz skoraði á 89. mínútu og sendi heimamenn áfram. Rauða spjaldið var umdeilt en Camavinga fékk tvö gul spjöld eftir að hafa komið inn sem varamaður, það seinna fyrir að tefja leikinn.
Það var svo í uppbótartíma sem Michael Olisie skoraði fjórða og síðasta mark leiksins fyrir Bayern og skaut liðinu áfram.