Karlalandsliðið og hópurinn sem því fylgir heldur sínu striki í Mexíkó þrátt fyrir eldfimt ástand í landinu. Stefnt er að því að æfa í dag og eins og staðan er núna fer leikurinn við heimamenn fram aðfaranótt fimmtudags.

Glæpaforinginn Nemesio Rubén Oseguera Cervantes, kallaður El Mencho, var drepinn af hernum í nótt og í kjölfarið voru bílar brenndir, götum lokað og fleira af hálfu CJNG glæpagengisins. Fjórum leikjum í Mexíkó var frestað í nótt og hefur því verið velt upp hvort vináttuleikur Íslands og Mexíkó fari sömu leið.

Meira
Leikur Strákanna okkar hugsanlega í uppnámi

433.is hafði samband við Ómar Smárason, sviðsstjóra markaðssviðs hjá KSÍ sem er úti með liðinu, og segir hann að liðið stefni að því að æfa í dag samkvæmt áætlun og er unnið út frá því að leikurinn á fimmtudag fari fram. Hópurinn fylgist hins vegar vel með fréttum og fær jafnframt upplýsingar frá yfirvöldum og knattspyrnusambandi Mexíkó, sem og yfirvöldum hér á Íslandi.

Ómar segir þó að hópurinn taki vel eftir þeim viðbúnaði sem er í landinu vegna ástandsins. Miðað við upplýsingar sem þeim er gefið hafa þó ekki verið nein læti í Queretato, hvar leikur Mexíkó og Íslands fer fram og Strákarnir okkar æfa.

Hópurinn gætir fyllsta öryggis samt sem áður og öryggisgæslan í kringum hann er mikill í ljósi ástandsins.

Leikur Íslands og Mexíkó fer að óbreyttu fram klukkan 2 aðfaranótt fimmtudags.