Bandaríski leikarinn Bradley Cooper svaraði vangaveltum um lýtaaðgerðir og viðurkenndi að fólk hefði hrósað útliti hans að undanförnu.

„Fólk hefur komið til mín síðustu vikur,“ sagði leikarinn við þáttastjórnendurna í hlaðvarpinu Smartless, Will Arnett, Jason Bateman og Sean Hayes, í þættinum 5. janúar.

„Þau segja: Ó, þú lítur vel út’“

Cooper lét ummælin falla eftir að Arnett minntist þess að hafa verið beðinn í viðtali um að nefna eitthvað um Cooper sem fólk veit ekki nú þegar um hann.

„Ég sagði: „Jæja, það er margt,“ sagði Arnett. „Allir halda að Bradley hafi farið í lýtaaðgerð. Það sem fólk veit ekki er að hann hefur ekki farið í aðgerð. Það gerði mig reiðan af því að fólk segir þetta allan tímann og ég hugsaði: Þetta er svo fyndið. Allir halda að þeir viti. Þú veist að þú lest þetta bull.“

Bateman grínaðist á sama tíma með að hann væri „skorinn í tætlur“ eftir lýtaaðgerðir. „En sjáið þið hversu þess virði það er,“ sagði hann á meðan meðkynnar hans hlógu.

Cooper breytti sér verulega fyrir hlutverk sitt sem fræga tónskáldið Leonard Bernstein í Maestro frá árinu 2023. Sögusagnir um lýtaaðgerðir kviknuðu seint á árinu 2025, þegar hann og Arnett byrjuðu að leika í myndinni Is This Thing On?.

Notendur samfélagsmiðla tóku eftir því sem þeir töldu vera mikla breytingu á útliti Coopers.

„Konur fá mikið af skít frá fólki í hvert skipti sem þær fara í lýtaaðgerðir en hvernig höfum við ekki minnst á Bradley Cooper?“ skrifaði einn á X í desember og birti með mynd af Cooper. Annar sagði að leikarinn „líti ekki einu sinni út eins og sami einstaklingurinn lengur!“