Það kom mörgum á óvart þegar vængmaðurinn Leroy Sane var staðfestur sem leikmaður Galatasaray í Tyrklandi en hann kemur þangað frá Bayern Munchen.

Bayern vildi halda þýska landsliðsmanninum en hann er 29 ára gamall og var orðaður við endurkomu til Englands – hann lék áður með Manchester City.

Sane hefur nú tjáð sig um sína hlið á þessu máli en margir telja að hann hafi ekki viljað yfirgefa þýska stórliðið.

,,Þetta var ekki auðveld ákvörðun fyrir mig. Ég upplifði ekki bara góða tíma hérna en margir kaflar voru góðir. Mér leið oft eins og heima hjá mér, ég naut síðasta tímabils og eignaðist marga vini í gegnum árin,“ sagði Sane.

Sane svaraði svo þeim sögusögnum að hann hafi ekki náð samkomulagi við Bayern en hann ku hafa beðið um of há laun sem Bayern neitaði að borga. Sane er nýbúinn að ráða umboðsmanninn Pini Zahavi sem er talinn hafa haft stór áhrif á þessar viðræður.

,,Jafnvel þó að fjölmiðlar komi því á framfæri þá vorum við aldrei búnir að ná 100 prósent samkomulagi. Því miður þá bætti þetta við auka pressu fyrir alla sem voru hluti af þessu máli. Ég er ekki reiður út í neinn í dag.“