Patrice Evra, fyrrum leikmaður Manchester United, hitti föður fyrrum liðsfélaga síns á föstudag en hann er staddur í Suður-Kóreu.

Evra var frábær bakvörður á sínum tíma en hann var liðsfélagi Park Ji-Sung sem kemur einmitt frá því landi.

Evra fékk að snæða með föður fyrrum liðsfélaga síns eftir komu til landsins og birti skemmtileg skilaboð á Instagram.

,,Ég þarf ekki á þér að halda til að heimsækja Kóreu, bróðir. Pabbi þinn er betri félagsskapur,“ sagði Evra léttur.

Þeir félagar spiluðu 133 leiki saman á tíma sínum hjá United og eru í góðu sambandi og er vinskapurinn mikill.

Hvar Park var á þessum tímapunkti er ekki vitað en hann hefur væntanlega haft mjög gaman að þessari færslu.