Þorsteinn Halldórsson, þjálfari íslenska kvennalandsliðsins, mun opinbera leikmannahóp sinn fyrir EM í Sviss á morgun.
Tæpar þrjár vikur eru í að EM hefjist og eins og alltaf er eftirvænting eftir að sjá hverjar rata inn í hópinn.
Kemur það í ljós um klukkan 13 á morgun og verður Þorsteinn í kjölfarið spurður spjörunum úr á blaðamannafundi.
Ísland er í riðli með heimakonum, auk Noregs og Finnlands, á EM. Fyrsti leikurinn er 2. júlí gegn síðastnefnda liðinu og verður 433.is að sjálfsögðu á staðnum.
