Edwin van der Saar yfirmaður knattspyrnumála hjá Ajax segir ekkert til í því að hann sé að snúa aftur til félagsins.

Van der Saar varði mark United í nokkur ár með góðum árangri en hann er að vinna gott starf hjá Ajax í dag.

United er að skoða það alvarlega að ráða inn yfirmann knattspyrnumála sem sér um að kaupa leikmenn.

,,Ég sá þessar fréttir á dögunum, sögurnar um United eru algjört bull,“ sagði þessi fyrrum markvörður.

,,Ég á tvö ár eftir af samningi mínum við Ajax, sem er mitt félag.“

,,Ég vil vera lengur en það hérna, við viljum gera félagið frábært og ná árangri.“