Hannes Þór Halldórsson, landsliðsmarkvörður, var að vonum ánægður með úrslit kvöldsins, 2-0 gegn Úkraínu á Laugardalsvelli.
,,Við erum komnir aftur við toppinn í þessum riðli, með hentugum úrslitum í hinum leiknum,“ sagði Hannes.
,,Við vorum svakalega ósáttir með okkur að hafa klúðrað þessum Finnaleik, að koma til baka, sýna karakter, þetta er mikilvægt upp á það að gera og líka úrslitin í riðlinum.“
,,Í fyrri hálfleik var allt í járnum og í seinni þá vorum við með öll tök á vellinum. Fyrsta markið hjálpar með það.“
