

Real Madrid féll úr leik í Meistaradeild Evrópu eftir dramatískt tap gegn Bayern Munich, þar sem hitinn færðist í leikmenn undir lokin.
Madrid var yfir 3-2 á Allianz Arena þegar Eduardo Camavinga fékk sitt annað gula spjald á 86. mínútu fyrir að tefja leik. Brottvísunin reyndist afdrifarík, en skömmu síðar jafnaði Luis Diaz metin.
Í uppbótartíma tryggði Michael Olise Bayern sigurinn og sæti í undanúrslitum gegn Paris Saint-Germain.
🚨 بيلينغهام كان غاضب من فينيسيوس لعدم التمرير وفينيسيوس يرد عليه :
“ماذا تُريد؟ ماذا تُرد؟ أخرس وأغلق فمك”. pic.twitter.com/bwWq1JKSRi https://t.co/UKQrvGDr6n
— Insider Real (@RMCFarab) April 15, 2026
Spennan var mikil í liði Real Madrid og sauð upp úr á milli Jude Bellingham og Vinicius Junior rétt fyrir brottvísunina. Bellingham var ósáttur við að fá ekki sendingu inni í teig og Vinicius svaraði reiðilega.
Eftir leikinn blossaði reiðin enn frekar upp og Arda Guler var rekinn af velli eftir lokaflaut fyrir mótmæli í garð dómarans Slavko Vincic.
Leikmenn Real Madrid létu dómarann heyra það á leið hans af velli, í leik sem endaði með miklum vonbrigðum fyrir spænska liðið.