Declan Rice þurfti að svara furðulegri spurningu í viðtali eftir að Arsenal tryggði sér sæti í undanúrslitum Meistaradeildarinnar í gær.
Arsenal fór áfram eftir markalaust jafntefli á Emirates-leikvanginum gegn Sporting, sem dugði eftir 0-1 sigur í fyrri leiknum.
„Hversu pirrandi var þetta kvöld?“ spurði fréttakona TNT Rice hins vegar eftir leik.
“Bring on these last couple of weeks!” 💪
Declan Rice reacts after Arsenal reach back-to-back Champions League semi-finals!@julesbreach
Stream with TNT Sports on HBO Max pic.twitter.com/ktz4f6Sc5b
— Football on TNT Sports (@footballontnt) April 15, 2026
„Pirrandi? Nei, við erum komnir í undanúrslit. Það skiptir engu máli hvað aðrir segja,“ svaraði Rice, en leikstíll Arsenal undanfarið hefur ekki hrifið marga.
„Það verður líka að taka inn í myndina að lið leggjast yfirleitt í fimm manna vörn á móti okkur.“
Arsenal er þó komið í undnaúrslit annað árið í röð og er með sex stiga forskot á Manchester City í deildinni heima fyrir. Síðustu vikur hafa þó verið erfiðar fyrir liðið og mætast Arsenal og City innbyrðis um helgina, auk þess sem síðarnefnda liðið á leik til góða.
„Þetta er Arsenal, það verður alltaf hávaði í kringum liðið. Við höldum bara áfram. Komið með þessar síðustu vikur tímabilsins,“ sagði Rice hins vegar brattur.
Viðtalið í heild og spurninguna furðulegu má sjá hér ofar.
