Knattspyrnustjóri Chelsea, Liam Rosenior, segir að hver sá sem reynist sekur um kynþáttafordóma eigi ekki að starfa í kringum knattspyrnu.

UEFA rannsakar nú ásakanir þess efnis að Vinicius Junior, leikmaður Real Madrid, hafi orðið fyrir kynþáttaníði af hálfu Gianluca Prestianni hjá Benfica í Meistaradeildinni. Prestianni neitar sök, en gæti átt yfir höfði sér minnst tíu leikja bann í Evrópukeppnum verði hann fundinn sekur.

„Ef leikmaður eða þjálfari er fundinn sekur um kynþáttaníð, þá á hann ekki heima í leiknum. Svo einfalt er það. Kynþáttaníð er óásættanlegt, sama hvort það tengist fótbolta eða samfélaginu almennt,“ sagði Rosenior.

„Þegar leikmaður er svona miður sín er það yfirleitt af ástæðu,“ sagði hann enn fremur og sagðist sjálfur hafa þurft að upplifa kynþáttaníð á ferli sínum sem leikmaður.