Manchester City er sagt hafa samið við Enzo Maresca um þriggja ára samning. Hann tekur við af Pep Guardiola.
Guardiola er sagður hafa ákveðið að yfirgefa City eftir tímabilið eftir áratug hjá félaginu og mun kveðja eftir síðasta heimaleik liðsins á tímabilinu.
Maresca er fyrrum þjálfari í akademíu City en hann hætti hjá Chelsea í janúar eftir að hafa stýrt liðinu til sigurs í Sambandsdeildinni og HM félagsliða.
Helstu miðlar Bretlands segja að City gæti þurft að greiða Chelsea bætur vegna málsins, enda er samningstíma hans í London hvergi nærri lokið.
Forráðamenn Chelsea eru þá sagðir ósáttir með þróun mála. Félagið réði Liam Rosenior í stað Maresca en gengi liðsins batnaði alls ekki og var hann rekinn. Xabi Alonso er að taka við í sumar.
