Jadon Sancho, kantmaður Aston Villa, mun upplifa nokkuð það sem fáir eiga eftir að leika eftir þegar hann fer í sinn þriðja úrslitaleik í Evrópu á þremur árum, þetta gerir hann með þremur félögum í þremur mismunandi keppnum.

Lið Unai Emery snéri einvíginu sér í vil með sannfærandi 4-0 sigri á Villa Park gegn Nottingham Forest í gær. Ollie Watkins jafnaði stöðuna í einvíginu áður en John McGinn skoraði tvívegis og Emi Buendía bætti við fjórða markinu.

Emery mun þar með stýra liði í úrslitum Evrópudeildarinnar í fimmta sinn á ferlinum, en hann hefur unnið keppnina fjórum sinnum áður, þar á meðal þrisvar í röð með Sevilla.

Þetta er sögulegur árangur fyrir Aston Villa, sem síðast lék til úrslita í Evrópukeppni þegar liðið vann Evrópukeppni meistaraliða árið 1982.

Sancho, sem er á láni frá Manchester United, er einnig í sviðsljósinu. Hann gæti leikið sinn þriðja úrslitaleik í röð með þremur mismunandi félögum.

Sancho lék úrslitaleik Meistaradeildarinnar með Borussia Dortmund árið 2024 og vann síðan Sambandsdeildina með Chelsea ári síðar.

Framtíð hans er þó óviss, en lánssamningur hans við Villa rennur út í sumar.