Hinn ungi Nico O’Reilly hefur verið frábær fyrir Manchester City undanfarið en hann er ekki eins góður í viðtölum.
Hjörvar Hafliðason sagði skemmtilega sögu af O’Reilly í Dr. Football, en hann tók viðtal við hann er hann starfaði á stórleik City gegn Arsenal fyrir Sýn Sport um helgina.
City vann leikinn 2-1 og opnaði titilbaráttuna í ensku úrvalsdeildinni upp á gátt.
„Nico O’Reilly, ég tók viðtal við hann sem ég held við ætlum ekkert að birta,“ sagði Hjörvar í Dr. Football í dag.
„Hann hvíslar bara, þetta er eitthvað nýtt hjá ungum töffurum. Hann muldraði bara eitthvað. Það gæti vel verið að hann sé feiminn, en kannski er þetta eitthvað nýtt hjá krökkunum, að hvísla.
Það var mjög sérstakt að tala við hann,“ sagði Hjörvar enn fremur.
