Það er möguleiki á að fyrrum undrabarnið Ansu Fati spili ekki með Monaco næsta vetur eins og búist var við.

Fati var á sínum tíma talinn einn efnilegasti leikmaður heims en hann er enhn á mála hjá Barcelona á Spáni.

Fati verður 23 ára gamall í október en hann er til sölu eftir að hafa spilað aðeins sex deildarleiki á tímabilinu.

Meiðsli hafa sett stórt strik í reikning leikmannsins sem fór einnig til Brighton á láni 2023 en heillaði fáa.

Monaco gerir sér vonir um að fá Fati á láni en Barcelona vill að franska úrvalsdeildarfélagið borgi allt að 80 prósent af launum leikmannsins.

Monaco hefur hafnað því og vill borga um 60 prósent sem gæti orðið til þess að þessi félagaskipti gangi ekki í gegn.