Íslenska kvennalandsliðið heldur til Serbíu eftir helgi og mætir heimakonum eftir viku í síðasta leik fyrir EM í Sviss.

Um vináttulandsleik er að ræða og kemur hann fimm dögum fyrir opnunarleik Íslands á EM gegn Finnum.

Í viðtali við 433.is á dögunum var Þorsteinn Halldórsson landsliðsþjálfari spurður út í þennan leik og hvernig hann myndi nálgast hann.

„Þetta er ekki generalprufa, bara undirbúningur. Við munum ekki sjá alla sömu hluti og á EM,“ sagði Þorsteinn.

„Við vinnum samt að ákveðnum þáttum og svo snýst þetta um að leikmenn sem spiluðu lítið í síðasta landsliðsglugga fái mínútur til að vera betur undirbúnir fyrir EM.“

Ísland er einnig í riðli með Noregi og heimakonum Sviss í riðlinum. Markmiðið er skýrt, að fara upp úr riðlinum og í 8-liða úrslit í annað skiptið í sögunni.

Hér í spilaranum að ofan má sjá umrætt viðtal við Þorstein, en það sneri aðallega að vali á leikmannahópnum fyrir EM, sem og mótinu sem framundan er.