Steve Parish, stjórnarformaður Crystal Palace, er alls ekki ánægður með þá ákvörðun UEFA að taka Evrópudeildarsætið af félaginu.
Palace vann enska bikarinn á þessu ári og tryggði sér þar með sæti í Evrópudeildinni en mun þess í stað spila í Sambandsdeildinni.
Ástæðan er maður að nafni John Textor en hann á stóran hlut í bæði Palace og franska félagsins Lyon.
Það er ekki löglegt fyrir tvö félög með sama eiganda að spila í sömu keppni og tók UEFA þá ákvörðun að taka sætið af Palace.
Lyon var um tíma fellt niður í Ligue 2 í Frakklandi vegna fjárhagsvandræða en náði að áfrýja og heldur sæti sínu í Evrópu fyrir næsta vetur.
,,Við erum svo vonsvikin og þá sérstaklega fyrir hönd stuðningsmannana,“ sagði Parish við Sky Sports.
,,Stuðningsmenn allra liða ættu að finna til með okkur því þetta var draumurinn. Þú vinnur bikar í fyrsta sinn í sögunni. Einhver sagði við mig að þetta væri eins og að vinna í lottóinu.“
,,Ég er svo leiður fyrir hönd stuðningsmanna, leikmanna og starfsfólksins. Þetta er vondur dagur fyrir fótbolta.“
