„Spurn­ing hvort við send­um fimm sál­fræðinga með liðinu á næsta mót í staðinn fyr­ir einn,“ skrifar Bjarni Helgason stjörnublaðamaður Morgunblaðsins í blað dagsins.

Bjarni er sá blaðamaður á Íslandi sem hefur fylgst best með landsliðinu undanfarið ár og þekkingin er því gríðarleg.

Bjarni er staddur á Evrópumótinu í Sviss þar sem Ísland er úr leik eftir töp í fyrstu tveimur leikjum mótsins, liðið klárar mótið í kvöld gegn Noregi þar sem úrslitin skipta hvorugt liðið nokkru máli. Ísland er á leið heim og Noregur er búið að vinna riðilinn.

Miklar væntingar voru gerðar til íslenska liðsins sem þær stóðu ekki undir og þjálfarinn Þorsteinn Halldórsson er undir pressu. „Vænt­ing­arn­ar og kröf­urn­ar til liðsins voru mikl­ar fyr­ir mótið, meðal ann­ars vegna þess að við dróg­umst í langl­étt­asta riðil­inn. Maður hef­ur al­veg velt því fyr­ir sér hvort þess­ar vænt­ing­ar og kröf­ur hafi verið mikl­ar.“

„ „Þær höndluðu ekki press­una,“ svaraði ég norsk­um koll­ega mín­um eft­ir að hafa hugsað mig vel og lengi um,“ skrifar Bjarni.

Bjarni telur það einu haldbæru útskýringuna að leikmenn liðsins réðu ekki við væntingar. „Sama hvað maður reyn­ir að leik­greina liðið, spila­mennsk­una og frammistöðuna heilt yfir er það ein­hvern veg­inn aug­ljós­asta niðurstaðan í þessu öllu sam­an.“