Edwin van der Sar, goðsögn Manchester United, hvetur félagið til að sækja vængmanninn Antony aftur í sumar.

Antony er að sjálfsögðu bundinn United en hann stóð sig mjög vel með Real Betis á lánssamningi í vetur.

Antony virtist ekki eiga framtíð fyrir sér hjá United og var lánaður annað en hann minnti svo sannarlega á sig á Spáni.

,,Sem betur fer þá er ég ekki í stöðu til að ákveða hvaða leikmenn koma en þeir eru á réttri leið með að semja við reynslumeiri sóknarmann og kannski er annar á leiðinni,“ sagði Van der Sar.

,,Þeir sem þeir fengu inn í janúar gerðu vel svo þetta verður í lagi ef þeir gefa þjálfaranum traustið.“

,,Kannski er Alejandro Garnacho að kveðja en ég myndi fá Antony til baka – ég veit samt ekki hvort það sé möguleiki.“