Alice Goodwin er ekki nafn sem allir kannast við en hún er fyrirsæta og er einnig afskaplega vinsæl á OnlyFans síðunni þar sem hún selur klámfengið efni.

Goodwin lenti á sínum tíma í því að fá skilaboð frá engum öðrum en Cristiano Ronaldo sem er einn besti fótboltamaður sögunnar.

Það er Goodwin sjálf sem greinir frá en hún vill meina að hún hafi einfaldlega ekki haft neinn áhuga á að ræða né kynnast portúgölsku stórstjörnunni.

Atvikið átti sér stað fyrir mörgum árum en Ronaldo hefur verið á föstu í þónokkur ár en var um tíma einhleypur er hann lék með bæði Manchester United og Real Madrid. Hann hefur verið í sambandi með Georgina Rodriguez síðan 2017.

Ronaldo spilar í dag í Sádi Arabíu og er fertugur en hann hafði áhuga á að kynnast Goodwin á sínum tíma að sögn OnlyFans stjörnunnar.

,,Ég vildi bara ekki tala við hann, það var einfalt. Ég á mér týpu og hann er ekki mín týpa,“ sagði Goodwin.

,,Ég hef tjáð mig um þetta áður en ég einfaldlega hafði engan áhuga. Hann virtist áhugasamur en ég svaraði ekki. Kannski voru það mistök!“

Goodwin þekkir til knattspyrnuheimsins en hún var um tíma kærasta Jermaine Pennant sem spilaði með liðum eins og Arsenal og Liverpool.