­Það eru líkur á að sóknarmaðurinn Aron Jóhannsson verði lengi frá vegna meiðsla en þetta hefur Srdjan Tufegdzic eða Túfa staðfest.

Túfa ræddi við Fótbolta.net eftir leik við Stjörnuna í gær en leiknum lauk með 3-2 sigri Stjörnunnar.

Hann mætti í viðtal hjá Fótbolta.net eftir tapið og var spurður út í ástand Arons sem var ekki með í leiknum í gær.

Túfa segir að Aron hafi lent í slæmri tæklingu í leik gegn Fram og eru allavega nokkrar vikur í að hann komist aftur á völlinn.

,,Ég vona innilega að þetta verði ekki löng pása en ég veit ekki hversu löng,“ sagði Túfa við blaðamann Fótbolta.net.

Aron er lykilmaður hjá Völsurum en hann hefur skorað eitt mark á tímabilinu hingað til.