Morgan Gibbs-White leikmaður Nottingham Forest og enska landsliðsins var sex sinnum gripinn fyrir of hraðan akstur á tveimur mánuðum.
Atvikin áttu sér stað í desember og í upphafi árs en hann var meðal annars gripinn í tvígang þann 5 desember.
Fyrir brotin sex hefur Morgan Gibbs-White nú misst prófið og má ekki keyra næstu tvo mánuðina.
Gibbs-White er 25 ára gamall og hefur átt frábært tímabil með Nottingham Forest og er sterklega orðaður við önnur lið.
Þannig hafa enskir miðlar fjallað um það að Manchester City hafi áhuga á að kaupa hann.
Gibbs-White fékk dóm sinn í vikunni en hann þarf að greiða 700 þúsund krónur í sekt og missir réttindi sín í tvo mánuði.
