Jude Bellingham, leikmaður Real Madrid, baðst afsökunar eftir leik sinna manna gegn Arsenal í miðri viku.
Arsenal kom sá og sigraði á Santiago Bernabeu og hafði betur 2-1 og fer áfram samanlagt 5-1 í 8-liða úrslitum Meistaradeildarinnar.
Bellingham viðurkennir að liðið hafi ekki verið upp á sitt besta í báðum leikjum en sá fyrri tapaðist 3-0 í London.
Englendingurinn birti færslu á Instagram eftir leik og hafði þetta að segja.
,,Við gerðum einfaldlega ekki nóg og stóðumst eki væntingar í báðum þessum leikjum,“ sagði Bellingham.
,,Ég bið ykkur afsökunar, við skiljum hversu þýðingarmikil þessi keppni er fyrir okkur. Við getum enn bjargað tímabilinu en bara með því að standa saman. Við munum snúa aftur.“
