Lionel Messi gæti sameinast enn einum fyrrum liðsfélaga frá tíma sínum í Barcelona hjá núverandi liði sínu, Inter Miami.
Argentíska goðsögnin gekk í raðir bandaríska félagsins í fyrra og í kjölfarið fóru þangað Sergio Busquets og Jordi Alba, sem áður léku með honum hjá Barcelona.
Í desember var svo Luis Suarez, annar fyrrum liðsfélagi Messi hjá Börsungum, kynntur til leiks hjá Inter Miami.
Nú segir spænski miðillinn Marca að Inter Miami hafi mikinn áhuga á Philippe Coutinho.
Coutinho er í eigu Aston Villa en er sem stendur á láni hjá Al-Duhail í Katar.
Coutinho varð einn dýrasti leikmaður sögunnar þegar Barcelona keypti hann af Liverpool árið 2018 fyrir 142 milljónir punda. Hann stóð hins vegar aldrei undir verðmiðanum.
Nú gæti Brasilíumaðurinn flutt til Bandaríkjann en Marca segir jafnframt að fleiri félög þar í landi séu áhugasöm.
