Reece James, bakvörður Chelsea, hefur tjáð sig á Twitter eftir að hann meiddist enn á ný í gær.

James fór út af meiddur í sigri Chelsea á Bournemouth í gær. Hann hefur verið að glíma við meiðsli á hné. Sáu þau til að kappinn fór ekki á Heimsmeistaramótið í Katar með enska landsliðinu.

„2022 hefur verið mitt erfiðasta ár hingað til,“ skrifar James á Twitter.

„Mig langar bara að þakka ykkur öllum fyrir stuðninginn. Ég tek svo sannarlega eftir honum.

Þetta hefur haft áhrif á mig andlega. Ég er að reyna að vinna með þau spil sem mér hafa verið gefin.“

Hann óskar öllum gleðilegrar hátíðar.

„Vonandi verða áramótin ykkar full af frið og ánægju.“