Mauro Icardi, framherji franska liðsins Paris-Saint Germain, á ekki sjö dagana sæla um þessar mundir. Eiginkona hans, Wanda Nara, virðist vera farin frá honum, hún sakar hann um framhjáhald og hefur tekið giftingarhringinn af fingri sínum.
Nú hefur Mauricio Pochettino, knattspyrnustjóri PSG blandað sér í umræðuna en hann tjáði fjölmiðlum það í dag að Icardi hefði ekki mætt til æfinga síðustu tvo daga vegna persónulegra ástæðna. Hann verður þó í leikmannahópi liðsins fyrir leik gegn RB Leipzig í Meistaradeild Evrópu á morgun en að það verði að koma í ljós hvort hann taki þátt.
Icardi og Wanda hafa verið gift síðan árið 2014, saman eiga þau tvær dætur.
Wanda birti í dag mynd af hendi sinni þarf sem að sést að hún hefur tekið af sér giftingarhringinn. Við myndina skrifar hún að höndin líti betur út án hringsins.
Sjá einnig: Birti athyglisverða mynd sama dag og hún sakar eiginmanninn um framhjáhald: Gleðidagur fyrir mig.
Sjá einnig: Hin umdeilda Wanda Nara sögð hafa sparkað eiginmanninum- ,,Aftur skemmirðu fjölskyldu fyrir kynlíf.“
