Dolores Aveiro móðir Cristiano Ronaldo segir að Cristiano Jr sé betri en sonur hennar var á sama aldri. Cristiano Jr er 11 ára gamall en hann leikur með Manchester United í dag líkt og faðir sinn.
Ronaldo er 36 ára gamall en hann snéri aftur til Manchester United á dögunum, Ronaldo hefur skorað fjögur mörk í fyrstu þremur leikjum sínum hjá United.
Dolores Aveiro á sér þann draum að Ronaldo klári feril sinn hjá Sporting Lisbon þar sem ævintýrið hófst. „Ronaldo verður að koma aftur til Sporting. Hann horfir alltaf á leiki liðsins, ég hef látið hann vita af þeirri ósk minni að hann snúi aftur til Sporting.“
Hún segir að ef það klikkar þá þurfi sá yngri að taka það kefli. „Sjáum hvað gerist, ef ekki hann þá sonur hans.“
„Á þessum aldri þá er hann miklu betri en Ronaldo var. Á þeim tíma hafði Ronaldo enga þjálfun en Ronaldo er kennari hans í dag.“