Real Madrid burstaði Mallorca í spænsku La Liga í kvöld. Leikið var á Santiago Barnabeu, heimavelli Real.
Karim Benzema kom heimamönnum yfir strax á 3. mínútu. Marco Asensio tvöfaldaði forystuna á 34. mínútu.
Aðeins mínútu eftir mark Asensio minnkaði Kang-In Lee muninn fyrir Mallorca. Asensio svaraði þó með sínu öðru marki stuttu síðar. Staðan í hálfleik var 3-1.
Asensio fullkomnaði þrennu sína með marki á 55. mínútu. Karim Benzema og Isco áttu svo eftir að bæta við mörkum fyrir leikslok. Lokatölur 6-1.
Real Madrid er á toppi deildarinnar með 16 stig eftir sex leiki.
Mallorca er með 8 stig. Liðið hefur einnig leikið sex leiki.
