Íslenskir knattspyrnudómarar munu síðar í sumar þurfa að mæta í viðtöl eftir stórleiki í efstu deild karla. Frá þessu greindi Guðmundur Benediktsson sem sér um umfjöllun fyrir Sýn um efstu deild, í hlaðvarpsþættinum Dr. Football í dag.
Fram kom í máli Gumma Ben að þetta fari af stað í júlí eða eftir að Evrópumótinu í knattspyrnu lýkur.
Margir hafa kallað eftir því til fjölda ára að dómarar útskýri umdeilda dóma sína að leik loknum, það verður niðurstaðan um mitt mót.
Fleira áhugavert kom fram í máli Guðmundur en Gunnlaugur Jónsson, fyrrum þjálfari mun sjá um stóran hluta af viðtölum í beinum útsendingum í efstu deild karla.
Efsta deild karla fer af stað í dag þegar Valur og ÍA eigast við í opnunarleik mótsins en leikurinn hefst klukkan 20:00 á Hlíðarenda.
