Real Madrid tók á móti Liverpool á Estadio Alfredo Di Stéfano í Meistaradeild Evrópu í gær. Madrídingar byrjuðu leikinn töluvert betur, héldu boltanum vel og voru ógnandi við mark andstæðinganna. Þeir komust verðskuldað yfir 1-0 á 27. mínútu þegar Toni Kroos kom með frábæran bolta fram á Vinicius Jr. sem hann kassaði niður og kláraði snyrtilega framhjá Alisson í markinu.

Real tvöfölduðu forystu sína 10 mínútum síðar þegar Trent ætlaði að skalla boltann á Alisson í markinu en Asensio komst inn í sendinguna og kláraði auðveldlega. Liverpool litu aðeins betur út í byrjun seinni hálfleiks og Salah minnkaði muninn strax á 51. mínútu með skoti af stuttu færi eftir flotta sókn.

Á 65. mínútu skoraði Vinícius annað mark sitt í leiknum og kom Real 3-1 yfir eftir að hafa sundurspilað vörn Liverpool. Þar við sat og ljóst er að Liverpool þurfa að vinna upp tveggja marka forystu í seinni leiknum á Anfield.

Juren Klopp stjóri Liverpool var verulega óhress með frammistöðu dómaranas og þá sérstaklega í atviki í aðdraganda marksins sem Asensio skoraði fyrir Real Madrid. Brotið var á Sadio Mane á hinum enda vallarins að mati Klopp.

„Staðan með Sadio er sú, ég er ekki viss um hvað dómarinn gerði í leiknum. Þetta virtist persónulegt,“ sagði Klopp um frammistöðu Felix Brych dómara.

„Ég sagði honum það eftir leik, hann var ósanngjarn við Sadio. Hann tapaði ekki leiknum fyrir okkur en við þurftum bara ágætan dómara í leiknum.“

Atvikið má sjá hér að neðan.

Jurgen Klopp accuses referee Felix Brych of making ‘personal’ decisions against Sadio Mane in Liverpool’s 3-1 Champions League defeat by Real Madrid – after apparent foul on forward was ignored just 20 seconds before Marco Asensio’s goal. pic.twitter.com/9yneQvv31f

— mkalla mwambodze (@MkallaMwambodze) April 7, 2021