Bruno Fernandes, stjarna Manchester United, sér eftir því að hafa sagt Pep Guardiola að halda kjafti í mars.

Fernandes og Guardiola rifust létt á hliðarlínunni sem endaði með því að sá fyrrnefndi ‘sussaði’ á Spánverjann.

Fernandes viðurkennir að hann sjái eftir sinni hegðun og ætlar að passa sig betur í framtíðinni.

,,Ég sé eftir því sem ég gerði þennan dag því ég er ekki vanur að missa stjórn á hegðuninni,“ sagði Fernandes.

,,Eins og allt í lífinu þá er enginn dæmdur af því hvað hann hefur unnið, það besta í stöðunni hefði verið að segja ekkert og Guardiola hefði í raun talað við sjálfan sig.“