UEFA hefur afbókað nánast öll hótelherbergi sem sambandið var með í Kaupamannahöfn vegna EM 2020. Mótinu verður frestað í dag þegar UEFA fundar með aðildarsamböndum sínum.

Kórónuveiran herjar á Evrópu og ljóst að það gæti reynst hæpið að spila mótið í sumar.

Stærstu deildir Evrópu eru í pásu og vilja aðilar þar reyna að klára mótin, áður en haldið er á stórmót.

Búist er við að UEFA muni fresta EM til 2021 til að gefa deildunum færi á að klárast.

BT í Danmörku segir að nánast öll hótelherbergi sem UEFA hafði í Kaupmannahöfn í sumar, hafi verið afbókuð í síðustu viku. Þetta sé staðfesting á því að mótið fari ekki fram í sumar.