Eins og allir vita þá er Rúrik Gíslasaon, landsliðsmaður, einn vinsælasti Íslendingurinn á samskiptamiðlum og þá sérstaklega Instagram.
Rúrik vakti gríðarlega athygli á HM í Rússlandi síðasta sumar og fór úr 30 þúsund fylgjendum í 1,3 milljón á stuttum tíma.
Undanfarið þá hafa fylgjendatölur hans hins vegar lækkað og fylgja nú um 990 þúsund manns honum á Instagram.
Það voru margar konur sem byrjuðu að fylgja Rúrik á Instagram en hann varð fljótt mjög vinsæll í Suður-Ameríku.
Rúrik var spurður út í þetta hrun í viðtali við Sudwestrundfunk og er með svarið sem allir vilja heyra.
,,Fylgjendurnir hafa horfið eftir að ég byrjaði að birta myndir af kærustunni minni. Ég veit ekki af hverju,“ sagði Rúrik.
Rúrik er 31 árs gamall en hann er í sambandi með fyrirsætunni Nathalia Soliani.
Vonandi er Rúrik þó ekki að missa svefn yfir þessu en hann er einnig byrjaður að starfa sem fyrirsæta.