Cristiano Ronaldo, einn besti íþróttamaður allra tíma er ekki vanur að veita viðtöl þar sem rætt er um annað en fótbolta.
Ronaldo settist hins vegar niður með Piers Morgan, á ITV í gær. Þar ræðir Ronaldo um allt sem hann hefur gengið í gegnum.
Hann ræddi fátækt á unga aldri þegar hann fór frá fjölskyldu sinni til að spila fyrir Sporting Lisbon, hann hafði lítið á milli handanna og bjargaði sér.
,,Seint að kvöldi til, þá vorum við svangir. McDonalds var þarna við hlið vallarins, við fórum alltaf og spurðum hvort þær ættu hamborgara,“ sagði Ronaldo.
,,Edna og tvær aðrar stelpur voru frábærar við okkur. Ég vona að þetta viðtal hjálpi mér að finna þær, ég vil borga þeim til baka.“
Piers Morgan greinir svo frá því á Twitter að hann og Ronaldo séu líklega búnir að finna Edna.
UPDATE: We may have found Edna… https://t.co/7VC5Tj9lv6
— Piers Morgan (@piersmorgan) September 18, 2019
