Ólafur Kristjánsson, þjálfari FH, sá sína menn vinna 6-4 sigur á ÍBV í Pepsi Max-deild karla í dag.

Morten Beck skoraði þrennu fyrir FH í sigrinum en FH komst í 6-1 áður en ÍBV skoraði þrjú undir lokin.

,,Það sem gerist kannski er að við hættum að gera þá hluti sem við vorum að gera fram að því,“ sagði Óli.

,,Menn héldu að þetta væri bara komið í hús og nú væri þetta spurning um 1-2 í viðbót.“

,,Maður þarf að taka svona leik og flisja hann niður. Hvernig við endum hann og fáum á okkur þrjú mörk og allt það er einn hluti.“

,,Menn voru að efast um Morten Beck en hann er gríðarlega vinnusamur og mörkin eru mikilvæg. Hann hefur verið happafengur fyrir okkur. Hvað heldur þú?“ bætti Óli við spurður að því hvort Morten myndi framlengja.