Gary Martin, leikmaður ÍBV, skoraði þrennu fyrir ÍBV í kvöld sem mætti FH í efstu deild.
Gary segir að verkefni ÍBV hafi verið erfitt í kvöld en liðið þurfti að ferðast til Reykjavíkur í ansi erfiðu veðri sem tók sinn tíma.
,,Þetta var ekki eins slæm ferð og áður en hún var samt slæm. Líkaminn er ónýtur. Þessi frammistaða snerist ekki um fótbolta heldur undirbúninginn,“ sagði Gary.
,,Ég þurfti að stíga upp. Ég ætla ekki að tapa 7-1,9-1 eða 10-1 það fer ekki á ferilskránna. Ég leiddi framlínuna og þeir fylgdu.“
,,Bátsferðin hjálpaði ekki. Við borðuðum tveimur tímum fyrir leik og ég var enn að melta kjúklinginn þegar ég skoraði.“
,,Ég mun reyna við hann [Gullskóinn]. Ég vildi fá bronsskóinn fyrir Valsleikinn en nú er ég inn í þessu. Strákarnir vilja hjálpa mér.“