Það varð ljóst í gærkvöldi að KR væri Íslandsmeistari í meistaraflokki karla í fótbolta, liðið vann Pepsi Max-deild karla með gríðarlegum yfirburðum. Liðið vann 1-0 sigur á Val og varð þar með meistari.
Breiðablik var eina liðið sem veitti KR samkeppni en að dugði skammt, KR búið að vinna deildina þegar tveir leikir eru eftir. Blikar gerðu 1-1 jafntefli við Stjörnuna í gær.
Egill Gillz Einarsson, er líklega frægasti stuðningsmaður Blika. Hann fær á baukinn frá hörðum KR-ingum í dag, sem nudda salti í sár hans.
Þannig birtir Reynir Elís Þorvaldsson, glerharður stuðningsmaður KR áhugaverðu færslu á Twitter. ,,Til minningar um Egil Gillz Einarsson og Blikasamfélagið, hefur Grund verið færð minningargjöf. Með innilegri hluttekningu. Vistmenn og 27faldir meistarar í knattspyrnu karla,“ stendur á myndinni og við færslu Reynis stendur RIP. Grín í hæsta gæðaflokki frá kokhraustum Íslandsmeisturum.
Gillz hefur verið einn af þeim sem hefur talað um aldur KR-liðsins, sem er það elsta í deildinni. Hann hefur líkt KR við elliheimilið Grund, vegna aldursins. KR-ingar nýta sér það í dag og skjóta á Gillz og aðra Blika.
R.I.P pic.twitter.com/G8i86XYe7C
— Reynir Elís (@Ramboinn) September 17, 2019
