Jose Mourinho, stjóri Manchester United, segir að fólk hafi mikið verið að ljúga í sumar en hann og lið United hafa verið í umræðunni.
Mourinho fer ekki út í smáatriðin en búast má við að hann sé að tala um mál Paul Pogba sem er sagður vera ósáttur hjá félaginu.
,,Mér er illa við lygar,“ sagði Mourinho við heimasíðu United fyrir leik gegn Brighton í dag.
,,Þegar blaðamenn eða sérfræðingar eru ósammála mér þá er það engin dramatík, ég hef lært að virða það. Það er partur af leiknum.“
,,Lygar eru hins vegar það sem mér er mjög illa við. Þær eiga ekki heima í þessu starfi.“
,,Þegar þú ert blaðamaður þá viltu koma fréttum til fólksins og það á að vera sannleikurinn.“
,,Ef þú starfar við að segja þína skoðun þá segirðu þína skoðun en lygar eiga ekki heima þarna. Það er búið að ljúga mikið.“
