Virgil van Dijk, varnarmaður Liverpool býst við mjög erfiðum leik gegn Manchester City í Meistaradeildinni.
Liðin drógust saman í 8-liða úrslit keppninnar en margir hafa spáð City sigri í keppninni í ár.
„Við vissum það fyrirfram að öll liðin í pottinum væru erfiðir mótherjar,“ sagði varnarmaðurinn.
„City er mjög gott lið og þetta verður erfitt en við höfum sýnt það að við getum unnið þá,“ sagði hann að lokum.
