Það er útlit fyrir það að framherjinn Mauro Icardi sé ekki á förum frá Inter Milan á næstu árum.

Icardi er helsta vopn Inter í fremstu víglínu en hann er einnig fyrirliði liðsins.

Icardi hefur skorað 13 mörk fyrir Inter á þessu tímabili en liðið treystir mikið á hann þegar kemur að markaskorun.

Hann er tilbúinn að skrifa undir nýjan samning hvenær sem er en eiginkona hans, Wanda Nara, sér um öll þannig mál.

,,Nara talar við félagið, ég einbeiti mér bara að því að spila á vellinum,“ sagði Icardi.

,,Þeir munu láta mig vita þegar það er komið að því að skrifa undir og ég pæli ekki meira í því.“