Paul Pogba fékk þau skilaboð í gær um að hann myndi aldrei bera fyrirliðabandið hjá Manchester United á nýjan leik.
Þessi franski miðjumaður hefur borið bandið þrisvar á þessu tímabili en Mourinho telur hegðun hans ekki lengur ásættanlega. Leikmannahópur United fékk að vita þetta í gær fyrir tap gegn Derby í deildarbikarnum. Pogba var ekki í leikmannahópi United, hann horfði úr stúkunni.
Meira:
Ítarleg greining á sambandi Mourinho og Pogba – Pogba hegðar sér eins og kóngur
Fullyrt er að Pogba vilji burt frá United í janúar en hann kom til félagsins fyrir rúmum tveimur árum á 89 milljónir punda.
Fréttamönnum var hleypt á æfingu félagsins í dag en þegar Pogba hljóp að Mourinho þá var hann fljótur að verða hissa á svipinn. Samband þeirra er ekki gott en þar mátti sjá þá tala saman en líkamstjáning Pogba var furðuleg.
Hér að neðan má sjá lengri útgáfu af samskiptum Pogba og Mourinho á æfingu í dag.
