Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í stærstu deildum Evrópu er nú lokaður.
Það er hins vegar alltaf nóg af slúðri en það er BBC sem tók saman.
———–
Paul Pogba, miðjumaður Manchester United segir að það sé ekkert vandamál á milli hans og Jose Mourinho, stjóra liðsins. (Telefoot)
Everton, West Ham og Swansea vilja öll fá Moussa Marega, framherja Porta. (Mirror)
Gianluca Vialli, fyrrum stjóri Chelsea segir að Antonio Conte geti ekki beðið eftir því að yfirgefa félagið. (Sky)
Conte segist ekki hafa áhyggjur af framtíð sínni hjá félaginu þrátt fyrir að liðið sé nánast úr leik í baráttunni um Meistaradeildarsæti. (Guardian)
Kylian Mbappe segir ekkert til í sögusögnum um að Neymar sé að fara til Real Madrid. (Telefoot)
Samuel Umtiti, varnarmaður Barcelona segist vera ánægður hjá félaginu. (Express)
Manchester City, Dortmund, Feyenoord og PSV munu berjast um Eljif Elmas, miðjumann Fenerbahce en hann er 18 ára gamall. (Bild)
Ekkert formlegt tilboð hefur borist í Alisson, markmann Roma en hann hefur verið sterklega orðaður við Liverpool og Real Madrid. (Football Italia)
West Ham þarf að borga 30 milljónir evra fyrir Rodrigo Battaglia. (O Jogo)
